«Հայաստանի էլեկտրական ցանցեր» ընկերությունը հայտնում է, որ կեսգիշերից հետո ուժեղ քամու հետևանքով վնասվել և շրջվել են Արագածոտնի մարզի Թալին համայնքի Հացաշեն, Ցամաքասար, Սուսեր և Զարինջա բնակավայրերը սնուցող էլեկտրահաղորդման գծերի հենասյուները։
Դրա հետևանքով նշված բնակավայրերում խափանվել է էլեկտրամատակարարումը։
ՀԷՑ-ի փոխանցմամբ՝ այս պահին ընկերության մասնագետները իրականացնում են վթարավերականգնողական աշխատանքներ՝ էլեկտրամատակարարումը հնարավորինս արագ վերականգնելու համար։
Ընկերությունը հայցել է բաժանորդների ներողամտությունը պատճառված անհարմարությունների համար։
Տեղեկությունը ՀԷՑ-ը հրապարակել է իր ֆեյսբուքյան էջում։
