Իրանի վրա ԱՄՆ-ի կողմից վերջին սրման ժամանակ տեղի ունեցած հարվածների հետևանքով զոհերի թիվը հասել է 38-ի, ավելի քան 400-ը վիրավորվել են, հայտնել է Իրանի առողջապահության նախարարության խոսնակ Հոսեյն Քերմանպուրը։
Չորեքշաբթի օրը Իրանի իշխանությունները հայտնել են 35 զոհի և առնվազն 300 վիրավորի մասին։
«Առավոտյան ժամը 6:30-ի դրությամբ ամերիկյան հարձակումների հետևանքով վիրավորների թիվը գերազանցել է 400-ը, զոհվել է 38 հայրենակից», – գրել է Քերմանպուրը X սոցիալական ցանցում։
Պաշտոնյայի խոսքով՝ զոհվել է երեք կին, վիրավորվել՝ 22-ը, 18 տարեկանից փոքր անձանց թվում կա մեկ զոհ և ինը վիրավոր։