Թատէյ Փոկաչար Ֆրանսայի ազգային տօնին` Պասթիյի բանտի գրաւման օրուան ընթացքին կրցաւ լեռնային հանգրուանը շահիլ (10-րդ) ընդհանուր դասաւորման մէջ հեռանալով իր ամէնէն մօտ մրցակիցներէն:
Աշխարհի ախոյեան Փոկաչար Ֆրանսայի հեծելարշաւի շրջավազքի իր 3-րդ յաղթանակը արձանագրեց, եւ ասիկա իր ասպարէզի 3-րդ յաղթանակն էր Պասթիյի գրաւման օրուան ընթացքին` իր առաւելութիւնը Եոնաս Վինկըկորի վրայ երկուքուկէս վայրկեաններու բարձրացնելով:
Այս առաւելութիւնը Փոկաչարի առաւելագոյնն է մինչեւ օրս, 10 հանգրուաններէ ետք:
Փոկաչարի 24-րդ յաղթանակն է «Թուր տը Ֆրանս»-ի հանգրուաններու գծով, եւ ան 1 յաղթանակի կարիք ունի հասնելու ֆրանսացի Անտրէ Լետիւքի մրցանիշին, որ 1930-ականներուն երկու անգամ շահած է «Թուր տը Ֆրանս»-ը: Լետիւք «Թուր տը Ֆրանս»-ի առաւելագոյն հանգրուաններ ձեռք ձգած մարզիկներու 4-րդ դիրքը կը գրաւէ:
Մրցանիշը կը պատկանի Մարք Քավենտիշի (35 յաղթանակ), որ մէկ հանգրուան աւելի շահած է, քան Էտի Մերքս: Պեռնար Հինօ 28 հանգրուաններ շահած է (3-րդ դիրք), մինչ Լետիւք, ինչպէս նշեցինք, 25 հանգրուան շահած է:
Երկու տարի առաջ եւ վերջին անգամ, երբ Վինկըկոր կրցած էր պարտութեան մատնել Փոկաչարը, այս հանգրուանին էր եւ Պասթիյի գրաւման օրուան ընթացքին:
«Չէի գիտեր, որ պիտի յաղթեմ մինչեւ վերջին քիլոմեթրը, եւ յետոյ յիշեցի, որ Պասթիյի օրն էր, եւ պէտք է փորձել պատուել դեղին շապիկը: Շնորհակալութիւն կը յայտնեմ բոլոր համակիրներուն, որոնք այսօր ճամբայ իջան քաջալերելու` գեղեցիկ մթնոլորտ մը ստեղծելով, նոյնիսկ եթէ դէմ գոռացողներ ալ կային: Բոլոր անոնք, որոնք «պու» կը գոռային, մեզի աւելի ուժ տուին», ըսաւ Փոկաչար:
Ստորեւ 10-րդ հանգրուանի արդիւնքները. (165,6 քմ)
1.- Թատէյ Փոկաչար (Էմիրէյթց) 3 ժամ 58′ 08″
2.. Ռեմքօ Էվենեփուլ (Ռետ պուլ) 32″ ուշ
3.- Փոլ Սայքսաս (Տեքսթլոն) 34″ ուշ
4.- Ֆլորիան Լիփովից (Ռետ Պուլ) 34″ ուշ
5.- Խուան Այուսօ (Լիտլ) 38″ ուշ
6.- Մաթիաս Սքիելմոս (Լիտլ) 38″ ուշ
7.- Եոնաս Վինկըկոր (Վիսմա) 44″ ուշ
8.- Իզաք Տելթորօ (Էմիրէյթց) 1′ 31″ ուշ
9.- Թոմ Փիտքոք (Փինարելօ) 1′ 59″ ուշ
10.- Լենի Մարթինես (Պահրէյն Վեքթորիուս) 2′ 03″ ուշ
ԸՆԴՀԱՆՈՒՐ ԴԱՍԱՒՈՐՈՒՄ – (1586.1 ՔՄ)
1.- Թատէյ Փոկաչար (Սլովենիա) 36 ժամ 15′ 02″
2.- Եոնաս Վինկըկոր (Դանիա) 3′ 36″ ուշ
3.- Ռեմքօ Էվենփուլ (Պելճիքա) 4′ 06″ ուշ
4.- Խուան Այուսօ (Սպանիա) 4′ 22″ ուշ
5.- Փոլ Սայքսաս (Ֆրանսա) 4′ 35″ ուշ
6.- Ֆլորիան Լիփովեց (Գերմանիա) 4′ 44″ ուշ
7.- Իզաք Տել Թորօ (Մեքսիքա) 5′ 08″ ուշ
8.- Մաթիաս Սքիելմոս (Դանիա) 5′ 45″ ուշ
9.- Լենի Մարթինես (Ֆրանսա) 6′ 34″ ուշ
10.- Թոմ Փիտքոք (Բրիտանիա) 11′ 49″ ուշ