Հզոր պայթյուն է որոտացել Լիբանանի հյուսիս-արևելքում գտնվող Հերմել քաղաքում։
Նշվում է, որ գազատար է պայթել։
Նախնական տվյալներով` միջադեպը տեղի է ունեցել լիբանանյան բանակի զորանոցների մոտ։
Պայթյունի պատճառների և հնարավոր զոհերի մասին այս պահին տեղեկություն չկա։
Հիշեցնենք, որ հուլիսի 14-ին Բեյրութի (Լիբանան) նավահանգստում խոշոր հրդեհ է բռնկվել։
Տեղական լրատվամիջոցները հայտնում են, որ Լիբանանի մայրաքաղաքի վրա ծխի թանձր քուլաներ են բարձրացել, որոնք տեսանելի են եղել քաղաքի տարբեր շրջաններից։
Հրդեհի պատճառի կամ հետևանքների մասին տեղեկություններ դեռ չկան։