Երևանի քաղաքապետարանի հասարակական կարգի պահպանության ծառայության աշխատակիցները Վարդավառի օրը հերթապահության ժամանակ նկատել են ռուս երիտասարդի, որ եղել է ոչ սթափ վիճակում, անպարկեշտ է իրեն պահել, հայհոյել անցուդարձ անող մարդկանց։
Նրան մի քանի անգամ նախազգուշացրել են, բայց վերջինս հետո դանակ է հանել, անգամ՝ փորձել հարձակվել քաղաքապետարանի աշխատակիցներից մեկի վրա։ Նրան վնասազերծել են, խլել դանակը, ապա կանչել պարեկներին, որոնք էլ բերման են ենթարկել։
Radar Armenia-ի տրամադրության տակ են հայտնվել կադրեր, թե ինչպես են Երևանի քաղաքապետարանի հասարակական կարգի պահպանության ծառայության աշխատակիցները վնասազերծել դանակով զինված, ոչ սթափ վիճակում գտնվող քաղաքացուն։