Բաքվի և Փարիզի միջև միջպետական հարաբերությունների նոր դարաշրջան է սկսվում, հայտարարել է Ադրբեջանի նախագահ Իլհամ Ալիևը Ֆրանսիայի ազգային տոնի առթիվ նախագահ Էմանուել Մակրոնին ուղղված շնորհավորական ուղերձում։
«Ձեզ հետ վերջերս հեռախոսազրույցների ընթացքում ադրբեջանա-ֆրանսիական օրակարգի հարցերի, երկկողմ հարաբերությունների ներկա վիճակի և հեռանկարների արդյունավետ քննարկումները, ինչպես նաև անցյալ տարի Կոպենհագենում մեր հանդիպումը հիմք են տալիս խոսելու միջպետական հարաբերությունների պատմության մեջ նոր շրջանի սկզբի մասին», – նշել է Ալիևը։
Նա վստահություն է հայտնել, որ Բաքուն և Փարիզը կշարունակեն համատեղ ջանքեր գործադրել գործընկերության ոգով տնտեսական, մշակութային, կրթական և փոխադարձ հետաքրքրություն ներկայացնող այլ ոլորտներում երկկողմ հարաբերությունները զարգացնելու համար։