ՄԱԿ-ի գլխավոր քարտուղար Անտոնիո Գուտերեշը մշտապես պաշտպանել է Հորմուզի նեղուցով նավարկության ազատությունը։ Այս մասին ճեպազրույցի ժամանակ հայտարարել է ՄԱԿ-ի գլխավոր քարտուղարի պաշտոնական խոսնակ Ստեֆան Դյուժարիկը։
Ավելի վաղ ԱՄՆ նախագահ Դոնալդ Թրամփը հայտարարել էր, որ ամերիկյան կառավարությունը ցանկանում է վերահսկել Հորմուզի նեղուցը՝ ստանալով տեղափոխվող բեռների արժեքի 20%-ը՝ ջրային ճանապարհով անվտանգ նավարկություն ապահովելու համար։
«Այս ճգնաժամի ընթացքում մենք շատ հռետորաբանություն ենք տեսել Հորմուզի նեղուցի վերաբերյալ։ Գլխավոր քարտուղարի դիրքորոշումը մնում է անփոփոխ. նա ցանկանում է տեսնել նավարկության ազատություն Հորմուզի նեղուցում», – ասել է նա՝ մեկնաբանելով ամերիկացի առաջնորդի խոսքերը։