«Մանչեսթեր Յունայթեդը» մոտ է «Աստոն Վիլլայի» կիսապաշտպան Յուրի Տիլեմանսի ձեռքբերմանը։ Ինչպես հայտնում է ֆուտբոլային լրագրող Ֆաբրիցիո Ռոմանոն, մանկունիանցիներն ակտիվացրել են 29-ամյա բելգիացու պայմանագրում առկա հրաժարագնի կետը՝ 41 միլիոն եվրոյի չափով։
Ակումբն արդեն իսկ բանավոր համաձայնության է եկել ֆուտբոլիստի հետ անձնական պայմանագրի շուրջ։ Նախորդ մրցաշրջանում Տիլեմանսը Անգլիայի Պրեմիեր լիգայում անցկացրել է 25 հանդիպում՝ իրականացնելով 4 գոլային փոխանցում։