Շոգի ալիքի պատճառով եղանակային վտանգի ամենաբարձր (կարմիր) մակարդակ է հայտարարվել Ֆրանսիայի կենտրոնական և արևմտյան 24 դեպարտամենտների համար, այդ թվում՝ Փարիզի և Իլ դը Ֆրանս շրջանի համար։ Այս մասին նշվում է ազգային օդերևութաբանական ծառայության՝ Météo-France-ի հաղորդագրությունում:
Ավելին, երկրորդ ամենաբարձր (նարնջագույն) նախազգուշացումը տրվել է երկրի եվրոպական մասի 96 դեպարտամենտներից 56-ի համար։ Որոշ շրջաններում ջերմաստիճանը կարող է հասնել 40 աստիճան Ցելսիուսի։ Météo-France-ը նշել է, որ ծայրահեղ շոգի այս նոր ալիքը կտևի առնվազն մինչև հաջորդ շաբաթվա կեսերը։
Ֆրանսիան հունիսին արդեն երկարատև շոգի ալիք է ապրել. հունիսի 17-ից սկսած երկու շաբաթվա ընթացքում ամբողջ երկրում դիտվել են ամսվա համար անսովոր ջերմաստիճաններ։ Հունիսի 23-ին և 24-ին միջին ջերմաստիճանը կազմել է 30 աստիճան Ցելսիուս՝ երկրում գրանցված ամենատաք օրերը։ Երկարատև շոգի ալիքի պատճառով շատ շրջաններում գրանցվել են անտառային հրդեհներ։ Հուլիսի 8-ի երեկոյան դրությամբ հրդեհը տարածվել էր ընդհանուր առմամբ 7,8 հազար հեկտար տարածքի վրա։