Ուկրաինայի օդային տարածքի հնարավոր փակման մասին Դոնալդ Թրամփի հայտարարությունները նոր են․ այս թեման նախկինում ոչ ոք չի քննարկել. հայտարարել է ՌԴ նախագահի մամուլի քարտուղար Պեսկովը։ Նրա խոսքով՝ այս հայտարարությունները դեռևս «պետք է քննարկվեն»։
«Սրանք նոր հայտարարություններ են։ Նախկինում նման հայտարարություններ չեն եղել։ Նախկինում ոչ ոք չի քննարկել երկնքի փակման թեման։ Ամեն դեպքում, խոսքն այն մասին է, որ ՆԱՏՕ-ի երկրների զինված ուժերը կաշխատեն Ուկրաինայի տարածքում։ Դա հենց այն է, ինչի դեմ իրականացվում է հատուկ ռազմական գործողությունը։ Սա պետք է հասկանալ։ Այնպես որ, իհարկե, դա դեռ պետք է իմաստավորվի։ Իմաստավորել, թե որքանով է այդ հարցը մշակվել, ում միջև է այն մշակվել և այլն»,- ճեպազրույցի ժամանակ ասել է Կրեմլի ներկայացուցիչը։
Պեսկովն ընդգծել է, որ Ռուսաստանը տեղյակ է և «վարդագույն ակնոցներ չի կրում» ԱՄՆ-ն կողմից Ուկրաինային լիարժեք զենք մատակարարելու շարունակության վերաբերյալ, սակայն Վաշինգտոնի՝ խաղաղության գործընթացը խթանելու ցանկությունը համարում է անկեղծ։
Պեսկովը հույս է հայտնել, որ ԱՄՆ-ն կվերսկսի իր ջանքերը ուկրաինական ճակատում՝ Իրանի շուրջ ստեղծված իրավիճակը կարգավորելուց հետո։
Իրանական հակամարտության վերաբերյալ Պեսկովը հայտարարել է, որ Ռուսաստանը դա համարում է «իրավիճակի էական բարդացում»։