ԱՄՆ-ի Նյու Յորք քաղաքի Մանհեթենի Վերին Իսթ Սայդ շրջանում լեգիոնելոզի («լեգեոներների հիվանդություն») հաստատված դեպքերի թիվը հասել է 14-ի։ Հաղորդվում է, որ հիվանդացությունը յոթ անգամ աճել է․ ավելի վաղ գրանցվել էր ընդամենը երկու դեպք։ Վարակը հաստատվել է քաղաքի երեք թաղամասերում։
Առայժմ մահվան դեպքեր չեն գրանցվել, իսկ վարակի աղբյուրը դեռևս պարզվում է։ Նշվում է, որ մեկ տարի առաջ Կենտրոնական Հարլեմում լեգիոնելոզի բռնկման հետևանքով մահացել էր յոթ մարդ, իսկ շուրջ 90-ը հոսպիտալացվել էին։
Լեգիոնելոզը թոքաբորբի ծանր տեսակ է, որը զարգանում է ջրամատակարարման համակարգերից կամ օդորակիչներից բակտերիաներով վարակված ջրի մանր կաթիլները շնչելու հետևանքով։ Հիվանդության անվանումը ծագել է 1976 թվականին Ֆիլադելֆիայում Ամերիկյան լեգեոնի համագումարի ժամանակ տեղի ունեցած բռնկումից, որի հետևանքով մահացել էր 34 մարդ։