Կիպրոսի Հանրապետությունը ներկայացնող ճանապարհորդների խումբը հաջողությամբ բարձրացել է Արագած լեռան հյուսիսային գագաթը (4090 մ), որը Հայաստանի ամենաբարձր կետն է և երկրի կարևորագույն ազգային խորհրդանիշներից մեկը։
Արշավախմբի անդամներ Ալեքսանդր Լարինն ու Միխայիլ Օմելչուկն Արագածի գագաթին բարձրացրել են Կիպրոսի Հանրապետության դրոշը, լուսանկարվել են և որպես երկու երկրների միջև բարեկամության խորհրդանիշ՝ այնտեղ թողել են Կիպրոսից բերված քարեր՝ «Կիպրա-հայկական արշավախումբ դեպի Արագած լեռ. հուլիս 2026» մակագրությամբ։
Երկու հոգուց բաղկացած առանձին խումբը հաջողությամբ բարձրացել է Արագածի հարավային գագաթ (3879 մ)։ Արշավախմբի ուշագրավ ձեռքբերումներից է 13-ամյա Պերեսվետ Լարինի վերելքը։ Նա դարձավ Կիպրոսի ամենաերիտասարդ բնակիչը, որը հասել է 3879 մետրից ավելի բարձրություն ունեցող գագաթի։
Արշավախմբի մասնակիցները նշել են, որ վերելքը նվիրված էր Կիպրոսի և Հայաստանի ժողովուրդների միջև բարեկամության ամրապնդմանը, երկու երկրների միջև ակտիվ զբոսաշրջության զարգացմանը, ինչպես նաև երիտասարդների շրջանում լեռնագնացության և առողջ ապրելակերպի խթանմանը։
Մասնակիցների խոսքով՝ նման միջազգային նախագծերը նպաստում են հումանիտար կապերի պահպանմանը և սպորտային ու էկոտուրիզմի զարգացմանը՝ միաժամանակ նոր հնարավորություններ բացելով Կիպրոսի և Հայաստանի միջև սպորտի, զբոսաշրջության, մշակույթի և երիտասարդական փոխանակումների ոլորտներում համագործակցության համար։