7 հուլիսի 2026 – 17:07 AMT
PanARMENIAN.Net – ՀՀ էկոնոմիկայի նախարար Գևորգ Պապոյանը հուլիսի 6-ին Ռուսաստանում անցկացվող «Իննոպրոմ» միջազգային արդյունաբերական ցուցահանդեսի շրջանակում հանդիպում է ունեցել Ինդոնեզիայի արդյունաբերության նախարար Ագուս Գումիվանգ Կարտասասմիտայի հետ։
Քննարկվել են Հայաստանի և Ինդոնեզիայի միջև առևտրատնտեսական ու գործարար համագործակցության ընդլայնման, արդյունաբերության զարգացման, տեխնոլոգիաների փոխանակման, ինչպես նաև բարձր ավելացված արժեք ունեցող արտադրության ոլորտներում գործընկերության խորացմանը վերաբերող հարցեր։
Գևորգ Պապոյանը առաջարկել է դիտարկել արդյունաբերական գոտիների զարգացման, ներդրումային ծրագրերի իրականացման և համատեղ արտադրության ուղղություններով համագործակցության հնարավորությունները։
Կողմերն անդրադարձել են նաև ՀՀ կառավարության «Խաղաղության խաչմերուկ» նախաձեռնությանը՝ նշելով, որ դրա իրականացումը կնպաստի տարածաշրջանային կապակցվածության ամրապնդմանը, բեռնափոխադրումների դյուրացմանը և նոր հնարավորություններ կստեղծի առևտրի, ներդրումների ու արդյունաբերական համագործակցության զարգացման համար։