ԱՄՆ նախագահ Դոնալդ Թրամփը հայտարարել է, որ Թուրքիայի նկատմամբ կիրառվող պատժամիջոցները վերացնելու ժամանակն է եկել։
Անկարայում ընթացող ՆԱՏՕ-ի գագաթնաժողովի շրջանակներում նախագահ Թրամփը նշել է, որ ԱՄՆ-ն չի ցանկանում պատժամիջոցներ կիրառել իր բարեկամների դեմ և որ Թուրքիան շատ հարցերում ավելի հավատարիմ գործընկեր է եղել, քան այլ դաշնակիցներ։
Այս քայլը փաստացի նշանավորում է տարիներ շարունակվող սառեցված հարաբերությունների ապասառեցումը․ այդ սառեցումը սկսվել էր 2020 թվականին, երբ Վաշինգտոնը պատժամիջոցներ էր կիրառել Անկարայի դեմ ռուսական Ս-400 զենիթահրթիռային համակարգերի գնման պատճառով։
Այդ ժամանակ պատժամիջոցները հանգեցրել էին Թուրքիայի Պաշտպանական արդյունաբերության վարչության (SSB) նկատմամբ սահմանափակումներին և Թուրքիայի հեռացմանը F-35 կործանիչների արտադրության ծրագրից։
Ներկայումս ԱՄՆ վարչակազմը պատրաստակամություն է հայտնում վերականգնել Թուրքիայի մասնակցությունը F-35 ծրագրին՝ չնայած Կոնգրեսում առկա իրավական խոչընդոտներին և Ս-400 համակարգերի վերաբերյալ մտահոգություններին։