«Ռան տը Սիթի» մրցումը տեղի ունեցաւ կիրակի օր` մասնակցութեամբ 1850 աթլեթներու, Լիբանանի բոլոր շրջաններէն եւ խաւերէն:
Պէյրութ մարաթոն միութեան կազմակերպած այս մրցումը «Նոքնոք»-ի հովանաւորութեամբ 3-րդ անգամ ըլլալով տեղի ունեցաւ մայրաքաղաք Պէյրութի թաղերուն մէջ: Ներկայ էին մեծ թիւով քաղաքական դէմքեր, որոնց մէկ մասը մասնակցեցաւ նաեւ մրցումին:
Մրցումի աւարտին տղոց ախոյեան դարձաւ Ալի Ռիտա Քանաան (Լիբանանի բանակ), որ առաջին դիրքը գրաւեց իր ետին ձգելով բանակի այլ ներկայացուցիչները, որոնցմէ Զահեր Զէյնէտտին (2-րդ) եւ Մոհամետ Քատուհ (3րդ) բարձրացան հարթակը:
Աղջկանց ախոյեան դարձաւ Սերենա Հայեք (Ինթեր Լեպանոն), մինչ Նուր Ղասէյնի (Էլիթ ակումբ) գրաւեց Բ. դիրքը, իսկ Մարի Մուրայ (Ինթեր Լեպանոն)` 3-րդ դիրքը: