Վարչապետ Նիկոլ Փաշինյանի հրամանով, հիմք ընդունելով «Առողջության համընդհանուր ապահովագրության մասին» օրենքի 30-րդ հոդվածի 4-րդ մասը, հաստատվել է Հայաստանի Հանրապետության առողջության համընդհանուր ապահովագրության հիմնադրամի հոգաբարձուների խորհրդի անհատական կազմը։ Iravaban.net-ը տեղեկանում է ՀՀ էլեկտրոնային կառավարման համակարգից։ Կազմի անդամներն են՝
- Շանթ Շըխրտմեան – Լոս Անջելեսի Կալիֆոռնիայի համալսարանի մանկական հիվանդանոցի վիրաբուժական բաժանմունքի ղեկավար (համաձայնությամբ)․
- Վարդուհի Պետրոսյան – Հայաստանի ամերիկյան համալսարանի հանրային առողջության ֆակուլտետի դեկան (համաձայնությամբ).
- Արտաշես Տոնոյան – «Համաշխարհային առևտրի կենտրոն Երևան» փակ բաժնետիրական ընկերության գլխավոր գործադիր տնօրեն (համաձայնությամբ)․
- Թումաս Պալու – Առողջապահության համաշխարհային կազմակերպության Ուկրաինայի գրասենյակի խորհրդական (համաձայնությամբ)․
- Խուդամ Ռոստոմեան – «Կաիզեր Պերմանենտե» ընկերության տարածքային բժշկական տնօրեն (համաձայնությամբ):