Եվրոպական հանձնաժողովը կարող է արդեն սեպտեմբերին հայտարարել ամբողջ Եվրոպական միությունում երեխաների համար սոցիալական ցանցերի օգտագործումը սահմանափակող նոր նախաձեռնության մասին։ Ըստ հրապարակման՝ Եվրոպական հանձնաժողովի նախագահ Ուրսուլա ֆոն դեր Լայենը համապատասխան նախաձեռնությունները կներկայացնի սեպտեմբերի 16-ին Ֆրանսիայի Ստրասբուրգ քաղաքում կայանալիք «Եվրոպական միության վիճակի մասին» ամենամյա ելույթի ընթացքում։
Թեև նախաձեռնության իրավական մեխանիզմները դեռ վերջնականապես չեն մշակվել, ակնկալվում է, որ այն կհանգեցնի օրենսդրական կամ այլ կարգավորումների ընդունմանը, որոնք կպարտավորեցնեն սոցիալական հարթակներին արգելափակել սահմանված տարիքից փոքր երեխաների գրանցումը։