Եվրոպական հանձնաժողովի նախագահ Ուրսուլա ֆոն դեր Լայենը վարչապետ Նիկոլ Փաշինյանի հետ հանդիպման ընթացքում նշել է, որ Հայաստանը կարող է ԵՄ-ի վրա հույս դնել։
«Երբ Հայաստանը մերձանում է ԵՄ-ին, Հարավային Կովկասն էլ է ավելի մերձանում։ Խաղաղության համաձայնագրի նախաստորագրումը պատմական իրադարձություն էր»,- ասել է նա և հավելել, որ դա ամենակարևոր քայլերից մեկն էր, որ այս տարածաշրջանը ձեռնարկել է տասնամյակների ընթացքում։
«Նույնը վերաբերում է նաև Թուրքիայի հետ հարաբերությունների շարունակական նորմալացմանը։ Այս որոշումները պահանջում էին քաղաքական խիզախություն և առաջնորդություն, և ես գիտեմ, որ դրա պտուղները տպավորիչ կլինեն։ Բաց սահմանները կվերափոխեն Հայաստանի տնտեսական ապագան, կխարսխեն Հայաստանին աշխարհի ամենառազմավարական կարևոր խաչմերուկների առանցքում»,- ասել է Ուրսուլա ֆոն դեր Լայենը։