Զինծառայողների ծնողները դիմել են ՔՊ-ական պատգամավոր Հայկ Սարգսյանին՝ ահազանգելով, որ այս շոգին զինվորը շաբաթը մեկ է լողանում։
Պատգամավորի խոսքով՝ դեպքը Մեղրիի զորամասի հետ է կապված։ Սարգսյանն ասաց, որ 2024 թվականից այս հարցով բազմաթիվ անգամներ դիմել է ՊՆ-ին։
«Խնդրել եմ, ասել եմ՝ մեռնեմ ջանիդ, նախարար ջան, շտաբի պետ ջան… հիմա ևս մեկ անգամ խնդրում եմ՝ հաշվի առեք անոմալ շոգերը, այնպես արեք, որ զորքն ամեն օր լողանա»,- հայտարարեց Հայկ Սարգսյանը։
Նա նշեց, որ այս հարցերը պայմանավորված չեն միայն ֆինանսով, կամք է պետք։