Անկարան ակնկալում է, որ Եվրամիությունը կզարգացնի հարաբերությունները Թուրքիայի հետ՝ հիմնվելով օբյեկտիվ չափանիշների վրա և առանց խտրականության մոտեցումների։ Այս մասին հայտարարել է արտգործնախարար Հաքան Ֆիդանը Եվրամիության դիվանագիտական ծառայության ղեկավար Կայա Կալլասի և եվրոպացի հանձնակատարների հետ բանակցություններից հետո։
«Այսօր մենք մեր երկրում հյուրընկալեցինք Միության արտաքին գործերի և անվտանգության քաղաքականության գերագույն ներկայացուցիչ Կայա Կալլասին, ընդլայնման հարցերով եվրոպացի հանձնակատար Մարտա Կոսին և ներքին գործերի և միգրացիայի հարցերով եվրոպացի հանձնակատար Մագնուս Բրուններին։ ԵՄ-ին անդամակցությունը մնում է մեր երկրի ռազմավարական նպատակ։ Մենք պատրաստ ենք զարգացնել մեր հարաբերությունները ԵՄ-ի հետ՝ հիմնվելով այս փոխըմբռնման վրա։ Մենք ակնկալում ենք, որ ԵՄ-ն նույնպես կխորացնի հարաբերությունները Թուրքիայի հետ՝ հիմնվելով օբյեկտիվ չափանիշների և արժանիքների վրա՝ առանց որևէ խտրականության», – գրել է Ֆիդանը իր նամակում։
Նա հույս է հայտնել, որ «Եվրահանձնաժողովի երեք կարևոր անդամների համատեղ այցը կարևոր քայլ կլինի Թուրքիայի և ԵՄ-ի միջև հարաբերությունները ցանկալի մակարդակի բարձրացնելու ուղղությամբ»։
Կապերի ընթացքում կողմերը «գնահատել են տարածաշրջանային և համաշխարհային արդիական խնդիրների վիճակը, հիմնականում՝ Մերձավոր Արևելքի իրավիճակը և ռուս-ուկրաինական հակամարտությունը»։