Փաշինյանը լրագրողներին հայտնել է, թե ովքեր են լինելու ԱԺ երկու փոխնախագահները։
«Քաղաքացիական պայմանագիր» կուսակցության վարչության այսօրվա նիստում փակ-գաղտնի քվեարկությամբ Ազգային ժողովի փոխնախագահների պաշտոնների համար ընտրվել են Հայկ Կոնջորյանը, ՔՊ փոխնախագահ Վահագն Ալեքսանյանը, լրագրողների հետ զրույցում հայտարարել է Նիկոլ Փաշինյանը:
Նշենք, որ ԱԺ փոխնախագահների պաշտոնին հավակնում էին նաև քպ-ական պատգամավորներ Արուսյակ Ջուլհակյանը, Ալխաս Ղազարյանը և Արման Եղոյանը։
Հատկապես շրջամառվում էր Արուսյակ Ջուլհակյանի թեկնածությունը։
Հարցին, թե ինչու կին թեկնածու չի ընտրվել, Փաշինյանը պատասխանել է՝ փակ գաղտնի քվերակություն է եղել, չեմ կարող ասել։
ԱԺ երրորդ փոխնախագահը պետք է լինի ընդդիմությունից. օրենքի պահանջն է։