ՆԱՏՕ-ի երկրներն Անկարայում կայանալիք գագաթնաժողովում կքննարկեն Ուկրաինայի հակամարտությունը և Մերձավոր Արևելքում ստեղծված իրավիճակը, հայտարարել է Թուրքիայի նախագահ Ռեջեփ Թայիփ Էրդողանը։
«Անվտանգության նկատմամբ ՆԱՏՕ-ի համալիր մոտեցմանը համապատասխան մենք կքննարկենք գլոբալ և տարածաշրջանային իրադարձությունները, առաջին հերթին իրավիճակը Ուկրաինայում, Իրանում, Պարսից ծոցի երկրներում և Պաղեստինում»,- ասել Է նա՝ ելույթ ունենալով ՆԱՏՕ-ի երկրների խորհրդարանների խոսնակների պատվին կազմակերպված ընթրիքին:
Թուրքիայի առաջնորդի խոսքով՝ գագաթնաժողովի առանձնահատկություններից մեկը կլինի պաշտպանական արդյունաբերության ոլորտում համագործակցության նկատմամբ հատուկ ուշադրությունը:
ՆԱՏՕ-ի գագաթնաժողովը կանցկացվի Անկարայում՝ հուլիսի 7-8-ը։