ԱՄՆ նախագահ Դոնալդ Թրամփը Truth Social սոցիալական ցանցի իր էջում խիստ քննադատության է ենթարկել Ազգային անվտանգության հարցերով իր նախկին խորհրդական և ՄԱԿ-ում ԱՄՆ նախկին մշտական ներկայացուցիչ Ջոն Բոլթոնին:
«Ջոն Բոլթոնը՝ շատ հիմար, անհավասարակշիռ և ոչ կոմպետենտ նախկին ներկայացուցիչը, պարզապես ընդունել է իր մեղքը։ Նա սարսափելի մարդ է, խելագար, ով պարզապես ցանկանում էր հրահրել հակամարտություններ և պատերազմներ: Հուսով եմ, որ նրա հետ կոպիտ կվերաբերվեն», – գրել է ամերիկացի առաջնորդը Truth Social – ում:
Ամերիկյան առաջնորդի այս արձագանքը հաջորդել է դատական այն գործընթացին, որի շրջանակներում Ջոն Բոլթոնը դատարանում պաշտոնապես խոստովանել է իր մեղքը: Նախկին բարձրաստիճան պաշտոնյային մեղադրանք էր առաջադրվել պետական գաղտնիք պարունակող տեղեկատվության հետ անփույթ և ոչ պատշաճ վարվելու համար:
ԱՄՆ նախագահը հույս է հայտնել, որ արդարադատության համակարգը խիստ պատժամիջոցներ կկիրառի իր նախկին աշխատակցի նկատմամբ՝ վերջինիս գործողությունների և դրանց հետևանքների համար:
