Երևանի քաղաքապետարանը հայտարարություն է տարածել
«Կիևյան կամրջի հիմնանորոգման ծրագրի շրջանակում իրականացվում են՝
կամրջի երթևեկելի մասի և հետիոտնային հատվածների վերականգնման,
դեֆորմացիոն կարերի ու ջրահեռացման համակարգի նորացման,
ջրամեկուսացման աշխատանքներ,
կթարմացվեն կամրջի բազրիքները,
վերականգնվում են նաև կամրջային թռիչքային կառուցվածքները և հենարանները։
Երթևեկելի մասի ավարտը նախատեսվում է օգոստոսի 29-ին:
Կիևյան փողոցում՝
ամբողջությամբ արդիականացվում է արտաքին լուսավորության ցանցը,
լարերն անցկացվում են գետնի տակ,
բարեկարգվելու են նաև երկկողմանի մայթերը, որոնք կպատվեն տուֆով»,- նշված է հայտարարությունում։