Հունիսի 24–26-ը Ղազախստանում անցկացվել են երկրորդ շտաբային բանակցությունները՝ նվիրված ՀԱՊԿ Կենտրոնաասիական հավաքական անվտանգության տարածաշրջանի Հավաքական արագ արձագանքման ուժերի ստորաբաժանումների մասնակցությամբ «Ռուբեժ-2026» համատեղ զորավարժության կազմակերպման և անցկացման նախապատրաստմանը։
Շտաբային բանակցությունների ընթացքում համաձայնեցվել են զորավարժության մտահղացումը, ազգային զորախմբերի ժամանման ժամկետներն ու կարգը, գործնական գործողությունների խաղարկման ընթացակարգը, ինչպես նաև համակողմանի ապահովման կազմակերպման հետ կապված հարցերը։
Իրականացվել է զորավարժության անցկացման վայրի տեղազննում` «Կոկտալ» զորավարժարանում։
Կենտրոնաասիական տարածաշրջանի Հավաքական արագ արձագանքման ուժերը նախատեսված են ՀԱՊԿ անդամ պետությունների ռազմական անվտանգության ապահովման խնդիրների կատարման համար, այդ թվում՝ արտաքին ռազմական ագրեսիայի հետմղմանը և համատեղ հակաահաբեկչական գործողությունների իրականացմանը մասնակցելու նպատակով։