Ռուսաստանը ընդլայնել է Հայաստանից ձկնային արտադրանքի մատակարարումների սահմանափակումները՝ ժամանակավորապես կասեցնելով ևս երկու հայկական ընկերության արտադրանքի սերտիֆիկացումը։ Այս մասին հայտնել են Ռոսսելխոզնադզորում։
Գերատեսչության տվյալներով՝ որոշումը կգործի մինչև նախկինում արձանագրված խախտումների վերացումը։
Արդյունքում՝ ժամանակավորապես կասեցվել է Հայաստանից Ռուսաստան ձկնային արտադրանքի ամբողջ արտահանումը։
Ռոսսելխոզնադզորը նշել է, որ շարունակվում է համագործակցությունը հայկական կողմի հետ՝ շուկա մատակարարվող արտադրանքի անվտանգության ապահովման ուղղությամբ։