Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Անապա քաղաքում երկու 12-ամյա տղաների միջև ծագած վիճաբանությունն ավարտվել է վնասվածքով։ Այս մասին հայտնել է Ռուսաստանի ՆԳՆ Կրասնոդարի երկրամասի գլխավոր վարչությունը։
Նախնական տվյալներով՝ միջադեպը տեղի է ունեցել խաղահրապարակի հարակից տարածքում։ Կոնֆլիկտի ընթացքում տղաներից մեկը դանակ հիշեցնող առարկայով վնասել է իր հասակակցին։
Տուժած երեխան տեղափոխվել է բուժհաստատություն, որտեղ նրան ցուցաբերվել է անհրաժեշտ բժշկական օգնություն։ Բժիշկների գնահատմամբ՝ նրա վիճակը կայուն է, և կյանքին վտանգ չի սպառնում։
Իրավապահ մարմինների տեղեկացմամբ՝ դեպքի մասին հաղորդումը ոստիկանության հերթապահ մաս է ստացվել հունիսի 20-ին։ Միջադեպից հետո վնասվածք պատճառած երեխան հեռացել է դեպքի վայրից։
Ներկայումս ոստիկանությունը պարզում է դեպքի բոլոր հանգամանքները, ինչպես նաև երեխաների միջև ծագած կոնֆլիկտի պատճառները։
Հետևեք մեզ՝ այստեղ