Լրագրողներն այսօրվա ճեպազրույցի ժամանակ Նիկոլ Փաշինյանին հարց ուղղեցին՝ ինչո՞ւ նրան ուղեկցող ավտոմեքենաները չեն կանգնում կարմիր լույսի տակ. չէ՞ որ վարչապետ ընտրվելիս Փաշինյանը հայտարարել էր, որ «մեզնից մեկն է և կանգնելու է կարմիր լույսի տակ»։
«Առաջ կանգնում էինք կարմիր լույսի տակ, հիմա չենք կանգնում. այդպիսին են անվտանգության ապահովման կարիքները»,-պարզաբանեց Նիկոլ Փաշինյանը։
«Բայց եթե ձեզ հետաքրքրում է՝ ՀՀ ոչ մի ղեկավար այդքան փողոցներով չի քայլել և չի քայլում և այդքան բնակավայրերում չի լինում։ Այո՛, Հայաստանում խցանումների պրոբլեմ կա, չեմ կարծում, որ ՀՀ վարչապետը պետք է բոլոր հնարավոր հանդիպումներից ուշանա այն պատճառով, որ խցանումների մեջ ընկնի»,- ասաց նա։