Համաշխարհային անվտանգությունն այժմ քայքայված է. միայն միջուկային զսպումն է աշխարհը պաշտպանում համաշխարհային պատերազմից: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը:
«Այս պահին այն (գլոբալ անվտանգությունը) զգալիորեն խաթարվել է բազմաթիվ առումներով։ Իրականում մենք աշխարհում ոչինչ չունենք, բացի միջուկային զսպումից։ Դա միակ բանն է, որը պաշտպանում է աշխարհը գլոբալ պատերազմից», – ասել է Կրեմլի խոսնակը։
Նա նաև ընդգծել է, որ միջուկային զսպումը «չի ապահովում ապահովագրություն տարածաշրջանային հակամարտություններից, որոնց ընդհանուր ներուժը, ցավոք, աճում է»։