Իրանի զինված ուժերը հայտարարել են Հորմուզի նեղուցի վերաբացման մասին, սակայն սահմանել են օրական անցումների խիստ սահմանափակումներ:
Fars լրատվական գործակալության հաղորդմամբ՝ Իսլամական հեղափոխության պահապանների կորպուսի (ԻՀՊԿ) հետ համաձայնեցված այս ռեժիմը ենթադրում է, որ նավերի անցման թույլտվությունների քանակը փոփոխվելու է ամեն օր՝ կախված իրավիճակից:
Այս քայլը հաջորդել է հունիսի 20-ին Իրանի կողմից նեղուցի փակման մասին հայտարարությանը, որը, ըստ Թեհրանի, պատասխան էր ԱՄՆ-ի և Իսրայելի կողմից ձեռք բերված պայմանավորվածությունների խախտմանը:
Նշվում է, որ նախկինում՝ նեղուցի փակման ժամանակահատվածում, որևէ նավի անցում չէր թույլատրվում: