Sputnik. Զինծառայողը Սովետաշենի զորամասում է ծառայում:
Փամբակի ուսումնական զորամասում ուսումնական վարժանքների ժամանակ զինծառայող է վնասվածք ստացել։ Տեղեկությունը հայտնում է armlur.am-ը:
Նշվում է, որ զինծառայողը Սովետաշենի զորամասում է ծառայում: Հրամանատարը Պողոս Պետրոսյանն է:
ՀՀ պաշտպանության նախարարությունից Sputnik Արմենիային հայտնեցին, որ զինծառայողը վիրահատվել է:
«Զինծառայողը գտնվում է բժիշկների հսկողության ներքո, նրա կյանքին վտանգ չի սպառնում»,- ասացին ՊՆ-ից:
Ընդգծեցին՝ առողջության և զինծառայողի այլ անձնական տվյալներ չեն կարող հաղորդել, քանի որ համապատասխան օրենքները (անձնական տվյալների և բժշկական գաղտնիքի մասին) թույլ չեն տալիս: