Միացյալ Նահանգները աջակցում է Ռուսաստանի և Ուկրաինայի միջև հակամարտության անհապաղ հրադադարին և խաղաղ կարգավորմանը, հայտարարել է ՄԱԿ-ում Միացյալ Նահանգների մշտական ներկայացուցչի տեղակալ Դեն Նեգրեանուն։
«Միացյալ Նահանգները հանձնառու է Ռուսաստանի և Ուկրաինայի միջև պատերազմը հնարավորինս շուտ ավարտելու համար հրադադարի և բանակցային կարգավորման հասնելուն։ Ժամանակն է անհապաղ հրադադարի։
Հիմա ժամանակն է, որ Ռուսաստանն ու Ուկրաինան վերադառնան բանակցությունների սեղանի շուրջ և հասնեն խաղաղության համաձայնագրի», – ասել է ամերիկացի դիվանագետը ՄԱԿ-ի Անվտանգության խորհրդի՝ Ուկրաինայի վերաբերյալ նիստում, որը տեղի է ունենում արևմտյան երկրների խնդրանքով։