Մեխիկոյում մեկնարկել է ֆուտբոլի աշխարհի առաջնությունը, որտեղ այս տարի առաջին անգամ գավաթակրի տիտղոսի համար պայքարում է ոչ թե 32, այլ 48 թիմ։ 2026 թ. գլխավոր ինտրիգներից մեկը Իրանի մասնակցությունն է, քանի որ այդ երկրի հավաքականի խմբային փուլի բոլոր երեք հանդիպումներն էլ նախատեսված են Միացյալ Նահանգներում։
Radar Armenia-ն աշխարհի առաջնության թեմայով մի քանի հարց է ուղղել ՀՀ ներքին գործերի նախարար Արփինե Սարգսյանին.
-Տիկի՛ն Սարգսյան, հետևո՞ւմ եք աշխարհի առաջնությանը։
-Ծանրաբեռնվածությունս թույլ չի տալիս առաջնության ամեն խաղը նայել, հետևում եմ արդյունքներին: Որոշ կարևոր խաղերի դիտարժան պահերն եմ փորձում նայել:
-Ո՞ր թիմին եք երկրպագում։
-Նախընտրում եմ Արգենտինայի հավաքականը: Սիրում եմ նաև Ֆրանսիայի և Իսպանիայի հավաքականների խաղը:
-Ո՞ր թիմը կդառնա չեմպիոն։
-Իհարկե, ամեն բան դեռ առջևում է, մարզչական լուծումներից ու ֆուտբոլիստների մարզավիճակից շատ բան է կախված: Այս պահին կարծում եմ՝ Ֆրանսիան կդառնա չեմպիոն:
Լիլիթ Աբրահամյան