Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Տուվայի Հանրապետության Ակ-Դովուրակ քաղաքում 15 մարդ, այդ թվում՝ 8 երեխա, սննդային թունավորման ախտանշաններով դիմել է բուժհաստատություն՝ տեղական սրճարան այցելելուց հետո։
Ռուսաստանի Քննչական կոմիտեի տարածաշրջանային վարչության տվյալներով՝ տուժածները սրճարան են այցելել հունիսի 19-21-ն ընկած ժամանակահատվածում։ Դրանից հետո նրանց մոտ ի հայտ են եկել սննդային թունավորմանը բնորոշ ախտանշաններ, ինչի հետևանքով նրանք դիմել են քաղաքային հիվանդանոց։
Բուժօգնության դիմած 15 քաղաքացիներից 11-ը հոսպիտալացվել են, որոնց թվում են բոլոր ութ անչափահասները։ Բժիշկների փոխանցմամբ՝ նրանց առողջական վիճակը գնահատվում է բավարար։
Դեպքի առթիվ իրավապահ մարմինները քրեական գործ են հարուցել՝ անվտանգության պահանջներին չհամապատասխանող ծառայություններ մատուցելու հոդվածով։ Քննիչները պարզում են զանգվածային թունավորման պատճառներն ու հանգամանքները։
Հետևեք մեզ՝ այստեղ