Բանակցություններին մասնակցող իրանական պատվիրակությունը լքել է հանդիպման վայրը՝ ի նշան ԱՄՆ նախագահ Դոնալդ Թրամփի սպառնալիքների դեմ բողոքի։
Ինչպես հաղորդում է Tasnim լրատվական գործակալությունը , հղում անելով իրանական բանակցային թիմին մոտ կանգնած աղբյուրին, այս որոշումը կայացվել է ամերիկացի առաջնորդի վերջին հայտարարություններից հետո։
Իրանի խորհրդարանի խոսնակ Մոհամմադ Բաղեր Ղալիբաֆը նույնպես մեկնաբանել է իրավիճակը X սոցիալական ցանցում՝ նշելով, որ Թեհրանը լուրջ չի ընդունում Վաշինգտոնի սպառնալիքները։
«Մի՞թե նրանք չեն մտածում. եթե նրանց սպառնալիքները արդյունավետ լինեին, արդյոք նրանք կհայտնվեի՞ն այն փակուղում, որում այսօր հայտնվել են։ Մենք ամերիկացիների սպառնալիքները լուրջ չենք համարում», – գրել է նա։
Ղալիբաֆը հավելել է, որ ամերիկացի պաշտոնյաները պետք է ավելի զգույշ լինեն իրենց հայտարարություններում։
«Նրանք ավելի լավ է զգույշ լինեն իրենց խոսքերի հետ։ Մեր զինված ուժերը պատրաստ են տարբեր կերպ արձագանքել։ Անկախ նրանից, թե որքան և ինչ են նրանք ասում, մենք կշարունակենք հետևել մեր ճանապարհին», – ընդգծել է Իրանի խորհրդարանի խոսնակը։