Իրանը փակում է Հորմուզի նեղուցը՝ ի պատասխան Իսրայելի կողմից Լիբանանի դեմ շարունակվող ագրեսիայի։ Այս մասին տեղեկանում ենք Իրանի ԶՈւ Կենտրոնական շտաբի տարածած հայտարարությունից:
Հայտարարության մեջ, մասնավորապես, ասված է. «Սա համաձայնագրի խախտման առաջին պատասխան քայլն է։ Եթե ագրեսիան շարունակվի, կծրագրվեն և կիրականացվեն լրացուցիչ քայլեր»:
Իր հերթին ԱՄՆ փոխնախագահ Ջեյ Դի Վենսը հաստատել է, որ ԱՄՆ նախագահի բանագնացներ Ուիթքոֆը և Քուշները արդեն ժամանել են Շվեյցարիա՝ Իրանի հետ բանակցություններ վարելու համար, և որ ինքը կարող է միանալ նրանց առաջիկա օրերին։