Երկու գնացքներ բախվել են Անգլիայի կենտրոնում գտնվող Բեդֆորդ քաղաքի մոտակայքում: The Daily Telegraph-ը հայտնել է, որ միջադեպի հետևանքով կան վիրավորներ։
Բրիտանական տրանսպորտային ոստիկանությունը հաստատել է բախումը: Ըստ The Daily Telegraph-ի, երկու գնացքներն էլ ուղևորվում էին դեպի Լոնդոնի Սուրբ Պանկրասի միջազգային կայարան: Մեկը մեկնել է Նոթինգհեմից, մյուսը՝ Քորբիից: Նախնական տեղեկությունների համաձայն՝ առաջին գնացքը կանգ է առել անվտանգության համակարգի խափանման պատճառով, որից հետո երկրորդ գնացքը բախվել է դրա հետևի մասին: Վթարը տեղի է ունեցել Բեդֆորդ կայարանից մոտավորապես 4 կմ հարավ: Տարածքում գնացքների երթևեկությունը դադարեցվել է։
Ըստ թերթի՝ մի քանի մարդ ծանր վիրավորվել է: Դեպքի վայրում նկատվել են հինգ օդային շտապօգնության ուղղաթիռներ և ավելի քան 30 շտապօգնության մեքենաներ: