Ինդոնեզիայի կենտրոնական մասում գտնվող Սուլավեսի կղզում տեղի է ունեցել 6.7 մագնիտուդով երկրաշարժ, որը ավերածություններ և խուճապ է առաջացրել Պալու քաղաքի բնակիչների շրջանում, որը նախկինում 2018 թվականին տուժել էր ավերիչ երկրաշարժից և ցունամիից, հաղորդում է AP-ն։
ԱՄՆ երկրաբանական ծառայության տվյալներով՝ երկրաշարժի էպիկենտրոնը գտնվել է Պալուից 43 կիլոմետր հարավ-արևելք՝ մոտավորապես 10 կիլոմետր խորության վրա։ Սկզբնական հզոր ցնցումից հետո գրանցվել են մի քանի հետցնցումներ, որոնցից ամենաուժեղը հասել է 5.2 մագնիտուդի։
Ափամերձ շրջանների բնակիչները լքել են իրենց տները՝ հնարավոր ցունամիի վախից։
Ինդոնեզիան գտնվում է բարձր սեյսմիկ գոտում, որտեղ պարբերաբար տեղի են ունենում երկրաշարժեր և հրաբխային ժայթքումներ։ Զոհերի և ավերածությունների մասին դեռևս հստակ տեղեկություններ չկան: