Իսրայելը թույլ չի տա Իրանին մշակել միջուկային զենք՝ անկախ ԱՄՆ-ի և Իսլամական Հանրապետության միջև կնքված համաձայնագրից։ Այս հայտարարությունը արել է Իսրայելի վարչապետ Բենիամին Նեթանյահուն մամուլի ասուլիսի ժամանակ։
«Անկախ նրանից, թե (ԱՄՆ-Իրան խմբ.) համաձայնագիրը կկնքվի, թե ոչ, Իրանը երբեք միջուկային զենք չի ունենա», – ասել է Իսրայելի վարչապետը։ «Ամենակարևորն այն է, որ մենք փրկել ենք Իսրայելի պետությունը միջուկային ոչնչացման սպառնալիքից», – հավելել է Նեթանյահուն։
Ավելի վաղ ԱՄՆ-ի, Իրանի և Պակիստանի՝ միջնորդի պաշտոնատար անձինք հաստատել են Վաշինգտոնի և Թեհրանի միջև կնքված համաձայնագիրը։ Այն նախատեսվում է ստորագրել Ժնևում հունիսի 19-ին։ Իրանի փոխարտգործնախարար Քազեմ Ղարիբաբադիի խոսքով՝ կողմերը, ի թիվս այլ հարցերի, կքննարկեն Թեհրանի միջուկային ծրագիրը 60-օրյա հրադադարի ընթացքում, իսկ ԱՄՆ-ի կողմից Իրանի ծովային շրջափակումը կավարտվի հունիսի 15-ին՝ բոլոր ճակատներում, այդ թվում՝ Լիբանանում, ռազմական գործողությունների անհապաղ և մշտական դադարեցման հետ մեկտեղ։