Ռուսաստանը հաղթել է միջազգային արբիտրաժում Սև ծովում, Ազովի ծովում և Կերչի նեղուցում առափնյա պետության իրավունքների հայցով։ Այս մասին հրապարակել է ՌԴ ԱԳՆ-ն՝ Ուկրաինայի հետ 10-ամյա դատավարության վերաբերյալ։
«Գործն ավարտվել է Ռուսաստանի համոզիչ հաղթանակով, նշված է նախարարության հայտարարության մեջ։ ՄԱԿ-ի Ծովային իրավունքի կոնվենցիայի տասնյակ հոդվածների խախտման մեջ ՌԴ-ին մեղադրած Ուկրաինայի բազմաթիվ պահանջները մերժվել են։
Հաագայի արբիտրաժային դատարանը մերժել է Կիևի` Ռուսաստանից որևէ «փոխհատուցում» պահանջելու` Ղրիմի ջրերում բնական պաշարների շահագործման համար հայցը: Ուկրաինայի փորձը՝ արևմտյան երկրների աջակցությամբ Կերչի նեղուցը «միջազգային» հայտարարելու, որը թույլ կտա ցանկացած պետության նավերի, այդ թվում՝ ռազմանավերի անցումը, նույնպես ձախողվել է:
Հաագայի արբիտրաժը մերժել է նաև Ղրիմի կամուրջը ապամոնտաժելու Ուկրաինայի պահանջը: Մերժվել են նաև Ուկրաինայի բոլոր մեղադրանքները՝ իբր Ղրիմի ջրային տարածքում Ռուսաստանի կողմից էկոլոգիային վնաս հասցնելու մասին»,- ասվում է հայտարարությունում։