Ճապոնիան ողջունում է ԱՄՆ-ի և Իրանի միջև ձեռք բերված համաձայնությունը՝ այն համարելով տարածաշրջանում ստեղծված իրավիճակի կարգավորման ուղղությամբ կարևոր քայլ։ Այս մասին ասվում է Ճապոնիայի արտաքին գործերի նախարարության հայտարարության մեջ, որը ստացել է ՏԱՍՍ-ը։
«Ճապոնիան ողջունում է համաձայնագիրը և այն համարում է իրավիճակի կարգավորման ուղղությամբ կարևոր քայլ», – նշվում է փաստաթղթում: Ճապոնիայի արտաքին գործերի նախարարությունը նաև բարձր է գնահատել երրորդ երկրների դերը ԱՄՆ-ի և Իրանի միջև միջնորդության գործում:
Ճապոնիայի արտաքին գործերի նախարարությունը հույս է հայտնել Վաշինգտոնի և Թեհրանի միջև ձեռք բերված համաձայնությունների հետևողական իրականացման համար, մասնավորապես՝ Հորմուզի նեղուցի ապաշրջափակման վերաբերյալ:
«Մենք հույս ունենք, որ Իրանի միջուկային հարցի և այլ հարցերի շուրջ վերջնական համաձայնության կհասնենք հնարավորինս շուտ», – հավելել է արտգործնախարարությունը՝ խոստանալով, որ Ճապոնիան կշարունակի ակտիվորեն մասնակցել այս ուղղությամբ դիվանագիտական ջանքերին: