Ավստրալիան և Նոր Զելանդիան ողջունել են ԱՄՆ-ի և Իրանի միջև կնքված համաձայնագիրը և հույս հայտնել Հորմուզի նեղուցով նավարկության ազատության արագ վերականգնման վերաբերյալ։
«Ավստրալիայի կառավարությունը ողջունում է Միացյալ Նահանգների և Իրանի միջև կնքված համաձայնագիրը», – հայտարարության մեջ նշել է Ավստրալիայի վարչապետ Էնթոնի Ալբանեզեն։
Վարչապետը նշել է, որ Հորմուզի նեղուցը բացելու և նավարկության ազատությունը վերականգնելու համաձայնագրերով նախատեսված քայլերը կարևոր են համաշխարհային էներգետիկ շուկաների և տնտեսության վրա ճնշումը նվազեցնելու համար։
«Այս կենսականորեն կարևոր առևտրային ուղու վերականգնումը կարևոր է համաշխարհային էներգետիկ շուկաներում և համաշխարհային տնտեսությունում, այդ թվում՝ մեր տարածաշրջանի երկրներում, իրավիճակը կարգավորելու համար», – հայտարարել է Ալբանեզեն։
Նոր Զելանդիայի արտաքին գործերի նախարար Ուինսթոն Փիթերսը ԱՄՆ-Իրան համաձայնագիրը անվանել է «կարևոր քայլ Մերձավոր Արևելքում լարվածության նվազեցման և կայունության խթանման ուղղությամբ»։