Իսրայելական ավիացիան հարվածներ է հասցրել Բեյրութի հարավային արվարձանում գտնվող Գբեյրի թաղամասին. նախնական տվյալներով՝ մեկ մարդ զոհվել է, մի քանիսը՝ վիրավորվել, «ՌԻԱ Նովոստի»-ին հայտնել է Լիբանանի շտապօգնության ծառայության աղբյուրը։
«Թշնամական ավիացիան երկու հզոր հարված է հասցրել Բեյրութի հարավային արվարձանի Գբեյրի թաղամասին, առայժմ հաստատված է մեկ մարդու մահը, կան վիրավորներ», – ասել է գործակալության զրուցակիցը։
Նրա խոսքով՝ Գբեյրիում հարվածները հասցվել են բազմաբնակարան շենքի երկու բնակարանի։
Իսրայելի բանակը հաստատել է Բեյրութի հարավային արվարձանին հասցված հարվածը՝ հայտարարելով, որ հարձակվել են «Հեզբոլլահ» շարժման հրամանատարական շտաբի վրա՝ Գբեյրի թաղամասում։