Իբր թե գլխապատառ Եվրամիություն սլացող, գործնականում Ռուսաստանի հետ հարաբերությունները փչացրած ու սանկցիաների տակ ընկած, հունիսի 7-ի ընտրություններում հազիվ 49 տոկոս ձայն ստացած Փաշինյանը «նախաձեռնողականություն» է դրսևորել:
Հայտնի է, որ ՌԴ նախագահ Պուտինը ու ՌԴ որևէ պետական կառույց Փաշինյանին չեն շնորհավորել հունիսի 7-ի ընտրական խայտառակության առթիվ: Փաշինյանը որոշել է նախաձեռնություն ցուցաբերել և հիշեցնել իր գոյության մասին, ինքն է շնորհավորել Պուտինին՝ «Ռուսաստանի օրվա» առթիվ:
Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին՝ Ռուսաստանի օրվա առթիվ: Ուղերձում, մասնավորապես, նշված է.
«Հարգելի Վլադիմիր Վլադիմիրի,
Ընդունեք շնորհավորանքներս Ռուսաստանի Դաշնության պետական տոնի՝ Ռուսաստանի օրվա առթիվ։
Այս նշանակալի տոնը մարմնավորում է Ռուսաստանի Դաշնության քաղաքացիների պատասխանատվությունը իրենց երկրի ապագայի հանդեպ, ինչպես նաև պետության զարգացման ուղու անկախ ընտրությանն ուղղված բարեկամ ռուս ժողովրդի ձգտումը։
Համոզված եմ, որ Հայաստանի Հանրապետության և Ռուսաստանի Դաշնության ժողովուրդների բազմակողմանի կապերը, ինչպես նաև միմյանց ինքնիշխանության և պետական շահերի հարգման վրա հիմնված բաց ու կառուցողական երկխոսության երկկողմ պատրաստակամությունը այսուհետ ևս կնպաստեն փոխգործակցության ամրապնդմանը և մեր երկրների միջև համագործակցության հնարավորությունների ողջ շրջանակի օգտագործմանը։
Մաղթում եմ Ձեզ, հարգելի Վլադիմիր Վլադիմիրի, բարօրություն և հաջողություններ պետական գործունեության մեջ, իսկ Ռուսաստանի ժողովրդին՝ ամենայն բարիք և բարգավաճում»։
Հիշեցնենք, որ Նիկոլ Փաշինյանը նախկինում հույս էր հայտնել, որ Ռուսաստանի նախագահ Վլադիմիր Պուտինը կշնորհավորի իր կուսակցությանը հունիսի 7-ի խորհրդարանական ընտրություններում տարած հաղթանակից հետո։
«Դե հա, ինչ… չի շնորհավորել, էլի, հույս ունենանք՝ կշնորհավորի»,-հինգշաբթի կառավարությունում ճեպազրույցի ժամանակ ասել էր Փաշինյանը։