Իսրայելը բոլոր ջանքերն է գործադրում Իրանի և ԱՄՆ-ի միջև հակամարտության կարգավորման վերաբերյալ հուշագրի ստորագրումը խափանելու համար։ Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«Այս համաձայնագիրն ունի թշնամիներ, և նրանց գլխին կանգնած է սիոնիստական ռեժիմը (նկատի ունենալով Իսրայելը՝ խմբ.): Սիոնիստական ռեժիմի կողմից համաձայնագիրը խափանելու փորձերի մանրամասները ես կբացահայտեմ ավելի ուշ: Եթե մենք հիմա սկսենք խորանալ մանրամասների մեջ, դա կհանգեցնի լարվածության և կվտանգի համաձայնագրի ստորագրումը», – ասել է նա Իրանի պետական հեռուստատեսությամբ։
Ավելի վաղ Իրանի արտաքին գործերի նախարար Աբբաս Արաղչին հայտարարել էր, որ Թեհրանն ու Վաշինգտոնը ավելի քան երբևէ մոտ են հակամարտությանը վերջ դրող հուշագրի ստորագրմանը։