Երևանի քաղաքապետ Տիգրան Ավինյանը, խոսելով մայրաքաղաքում օդի որակի մասին, նշել է, որ շատ խորքային վերլուծություններ են արել և այս պահի դրությամբ՝ Երևանում օդի որակը լավն է։
«Այս նույն պատկերն էր գարնանը՝ ավելի լավն էր նույնիսկ»,- ասել է նա։
Նա հավելել է, որ խնդիր լինում է՝ սկսած նոյեմբեր ամսից, երբ կլիմայական պայմաններին զուգահեռ մթնոլորտային շերտը 200 մետրից իջնում է 80 մետրի, ու աղտոտիչները խտանում են այս 80 մետրի մեջ։
«Այս բնակլիմայական երևույթի վրա մենք որևէ ազդեցություն չունենք։ Սակայն ունենք միջոցներ՝ մեղմելու վիճակը»,- ասել է քաղաքապետը։