Իրանի արտաքին գործերի նախարարության մամուլի քարտուղարը հայտարարել է, որ խաղաղության համաձայնագրի տեքստի հիմնական դրույթները մոտ գրեթե պատրաստ են՝ չնայած Վաշինգտոնի հակասական դիրքորոշումներին և դիվանագիտական գործընթացը խափանելուն ուղղված ռազմական ագրեսիայի պարբերական գործողություններին:
Էսմայիլ Բաղային հերքել է համաձայնագրի վերաբերյալ լրատվամիջոցների շահարկումները և վերահաստատել Իրանի վճռական ու սկզբունքային դիրքորոշումը:
«Բուն տեքստը իր հիմնական մասերով գրեթե վերջնական տեսքի է բերվել: Խնդիրն այն է, որ Միացյալ Նահանգների հակասական դիրքորոշումները միշտ տուրբուլենտություն և խափանումներ են առաջացրել այս գործընթացում»,— հայտարարել է Բաղային:
Նա ընդգծել է, որ Իսլամական Հանրապետությունը դիվանագիտական գործընթացին մասնակցել է բարի կամքով և լիակատար պատասխանատվությամբ, մինչդեռ ամերիկացի պաշտոնյաները բազմիցս փոխել են իրենց դիրքորոշումները, առաջ քաշել նոր անիրատեսական պահանջներ և նույնիսկ ռազմական հարձակումներ իրականացրել բանակցությունների ընթացքում:
Բաղային նշել է, որ ապրիլին հայտարարված հրադադարից ի վեր թե՛ ԱՄՆ-ը, թե՛ իսրայելական ռեժիմը բազմիցս խախտել են զինադադարը։
Վերջին հարձակումների ժամանակ ամերիկյան ուժերը թիրախավորել են Իրանի հարավային ենթակառուցվածքները և հարվածներ հասցրել Սիրիկի երկու ջրամբարներին։
«Այն դեպքում, երբ նրանք խոսում են դիվանագիտության և բանակցությունների մասին, միևնույն ժամանակ դիմում են ուժի կիրառման, անօրինական գործողությունների և հանցավոր վարքագծի»,— ասել է նա։