Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Turkish Airlines ավիաընկերության ինքնաթիռը Սանկտ Պետերբուրգից դեպի թուրքական Անթալիա իրականացվող չվերթի ժամանակ մեկնել է զգալի ուշացումով և առանց ուղևորների մի մասի։ Այդ մասին հայտնում է «Ֆոնտանկա»-ն։
Խոսքը վերաբերում է TK 3141 չվերթին, որը պետք է իրականացվեր Պուլկովո օդանավակայանից։ Առցանց ցուցատախտակի տվյալներով՝ թռիչքը կայացել է նախատեսված ժամից մոտ 4,5 ժամ ուշ։ Ըստ լրատվամիջոցի ընթերցողի՝ որոշ ուղևորների թույլ չեն տվել բարձրանալ ինքնաթիռ։
Նրա խոսքով՝ տեխնիկական պատճառաբանությամբ չվերթից դուրս են մնացել 69 ուղևոր։ Բարդ իրավիճակ է առաջացել նաև այն ընտանիքների համար, որտեղ երեխաների և ծնողների ազգանունները տարբեր են եղել։ Որոշ դեպքերում ընտանիքի անդամները բաժանվել են տարբեր չվերթների միջև։ Այն ուղևորներին, որոնք չեն կարողացել մեկնել, առաջարկվել է հունիսի 12-ին հասնել Անթալիա՝ Ստամբուլով տարանցիկ տարբերակով։ Փոխհատուցման և հանգստի ծրագրի փոփոխության վերաբերյալ պաշտոնական պարզաբանում դեռ չի ներկայացվել։
Հետևեք մեզ՝ այստեղ