Գազի ներմուծման հնարավոր այլընտրանքներ կարող են հանդիսանալ այն բոլոր երկրները, որոնք վաճառում են կապույտ վառելիք, և որոնց ենթակառուցվածքները թույլ են տալիս գնումներ կատարել. ՀԾԿՀ նախագահ Մեսրոպ Մեսրոպյան
Հանրային ծառայությունները կարգավորող հանձնաժողովի նախագահը (ՀԾԿՀ) անդրադարձել է գազի ներմուծման այլընտրանքների վերաբերյալ հարցին՝ նշելով, որ ինքը քաղաքական որոշումների մասնակից չէ և քաղաքական գործիչ չէ, հետևաբար չեն տիրապետում այդ տեղեկատվությանը։
Այդուհանդերձ, որպես հարակից տարածքներում գտնվող հնարավոր այլընտրանքներ, նշվել են Ադրբեջանը, Թուրքմենստանը, Պարսկաստանը և բոլոր այն երկրները, որոնք գազ են վաճառում, և առկա ենթակառուցվածքները թույլ են տալիս իրականացնել այդ գնումները։
Ադրբեջանից գազ ներմուծելու դեպքում կախվածության մեջ ընկնելու վերաբերյալ հարցին ի պատասխան՝ ՀԾԿՀ ներկայացուցիչը հայտարարեց, որ նման հայտարարություն չի կարող անել։