Իսլամական հեղափոխության պահապանների կորպուսը (ԻՀՊԿ) հայտարարել է Իրանի տարածքում ամերիկյան MQ-9 Reaper անօդաչու թռչող սարքի խոցման և տարածաշրջանում ԱՄՆ թիրախների դեմ հրթիռային հարվածների մասին։
Այս մասին գրում է Tasnim լրատվական գործակալությունը:
ԻՀՊԿ-ի տվյալներով՝ նավատորմը Բուշեհր նահանգի Ջամ շրջանի վրա խոցել է MQ-9 Reaper անօդաչու թռչող սարք։ Իրանը արվածել է նաև տարածաշրջանում ԱՄՆ ռազմական բազաների 21 թիրախի։
Ավելին, ԻՀՊԿ-ի ավիատիեզերական ուժերը, օգտագործելով հեռահար պինդ վառելիքով հրթիռներ, հարվածել են չորս թիրախի, այդ թվում՝ Հորդանանի Ալ-Ազրաք ավիաբազայում գտնվող F-35 կործանիչներին:
ԻՀՊԿ-ն ընդգծել է, որ իրանական ուժերը պատրաստ են ջախջախիչ և վճռական պատասխան տալ ցանկացած նոր ագրեսիայի, մեղադրելով ԱՄՆ-ին ցանկացած հետևանքների համար։